Welcome to DADO-Lamjung

जिल्लाका कृषकहरुले परम्परागत रुपमा अवलम्वन गर्दै आएको खेती प्रणालीमा आधुनिकीकरण गरी कृषिजन्य वस्तुहरुको उत्पादन र उत्पादकत्वमा परिमाणात्मक एवम् गुणात्मक वृद्धि गर्न र वहुसंख्यक कृषकहरुको जीवनस्तर उकास्नका लागि कृषि अनुसन्धान केन्द्रबाट विकास गरी योग्य सावित भएका उन्नत कृषि प्रविधिहरुको विभिन्न कृषि प्रसार शैक्षिक पद्धतिहरुको माध्यमद्वारा कृषकस्तरमा प्रचार प्रसार गरी प्राविधिक सेवा टेवा पु¥याउने उद्देश्यले नेपाल सरकारको कृषि नीतिलाई कार्यन्वयन स्तरमा उतार्ने जिल्लास्तरीय निकायका रुपमा यस कार्यालयको स्थापना कृषि विकास शाखाको नामले वि.सं. २०२५ सालमा भएको हो । जिल्ला कृषि विकास कार्यालय लमजुङ्ग जिल्लाको करिव विच भाग बेशिसहर नगरपालिका वार्ड नं. १० मा अवस्थित छ । जिल्ला सदरमुकाममा रहेको आफ्नै भवनमा यस कार्यालयले नेपाल सरकारको स्रोत र साधनका साथै विभिन्न दातृ संस्थाहरुबाट प्राप्त अनुदान तथा ऋण सहयोगको समुचित परिचालन गरी जिल्लाका सम्वन्धित विभिन्न सरकारी तथा गैह्र सरकारी निकायहरुसँग सुमधुर सम्वन्ध कायम राखी स्थानीय भू–पर्यावरणीय वैशिष्ट्यता, सभ्भाब्यता र तुलनात्मक लाभका आधारमा प्राथमिकता अनुरुप खाद्यान्न, दलहन, तेलहन वालीका साथै फलफूल, कफि, अलैंची, ताजा तरकारी, माछा, मसला बाली, आलु, मौरी, च्याउ आदि नगदेबाली÷वस्तुहरुको दीगो रुपमा विकास विस्तार गर्नका लागि घोषित कृषि विकासको उद्देश्य र नीति अनुरुप “कृषि विविधीकरण तथा ब्यावसायिकीकरण सन्तुलित वातावरण र गरिबी निवारण” को नारालाई आत्मसात गर्दै आफ्नो मातहतका ३ वटा शाखा, ४ वटा प्राविधिक फांटहरु ६ वटा कृषि सेवाकेन्द्र र ५ वटा कृषि सम्र्पक केन्द्र द्वारा संगठित समुहहरु मार्फत कृषि प्रसारका विविध कार्यक्रम संचालन गरी कृषि सेवा प्रवाह गर्दै आएको छ ।